23 янв 11:34
Янгиликлар

Теннис

Энди Маррей Australian Open турнирини ўтказиб юборади

Дунёнинг собиқ биринчи ракеткаси Энди Маррей "Катта Дубулға" туркумига кирувчи Австралия Очиқ чемпионатида иштирок этмайдиган бўлди.

Бунга британиялик ракеткаси устасининг коронавирусга чалингани сабаб бўлмоқда. "Катта Дубулға" турнирларининг уч карра ғолиби топширган тахлил ижобий натижа берган.

"Афсус билан шуни маълум қиламанки, мен Австралияга бора олмайман. Жуда ҳам Australian Open турнирида иштирок этишни истаётгандим. Коронавирус мени ҳам четлаб ўтмади", - деди Маррей Sky Sports нашрига берган интервьюсида.

Эслатиб ўтамиз, Австралия Очиқ чемпионати 8-21 февраль кунлари Мельбурн шаҳрида ўтказилади.