Энди Маррей дунёнинг 10-ракеткасини мағлуб этди

Erste Bank Open турнирида дунёнинг собиқ биринчи ракеткаси Энди Маррей ҳам иштирок этяпти. Британиялик теннисчи айна пайтда дунё рейтингида 156-поғонадан жой олган. Шунга қарамай, у дунёнинг 10-ракеткаси, польшалик Хуберт Гуркачни мағлуб этишни уддалади - 6/4, 6/7(6), 6/3.

Икки соату 43 дақиқа давом этган баҳсда 34 ёшли Энди 10 та, 24 ёшли Хуберт эса 12 та эйс зарбани ижро этди. Польшалик теннисчи ўзаро учрашувларда ҳамон олдинда бормоқда - 2:1. Энди Маррей Erste Bank Open турнирининг иккинчи даврасида испаниялик Карлос Алькаразга қарши кортга чиқади.