22 май 12:04
Янгиликлар

Теннис

Энди Маррей Женева турнирининг стартидаёқ ютқазиб қўйди

Дунёнинг 75-ракеткаси Энди Маррей Швейцариянинг Женева шаҳрида ўтказилаётган турнирдаги иштирокини муддатидан анча аввал якунлади.

Британиялик тажрибали теннисчи илк даврада рейтингда 85-поғонани эгаллаб турган германиялик Янник Ганфманнга имкониятни бой бериб қўйди - 5/7, 2/6. Бу билан Янник теннисчиларнинг ўзаро учрашувларидаги ҳисоб мувозанатини тиклади - 1:1.

Бир соату 46 дақиқа давом этган баҳсда Маррей 2, Ганфманн 4 та эйс зарбани амалга оширган. Қўшхатолар Эндида кўпроқ бўлди - 3 га 1. Брейклар бўйича мутлақ устунлик ғолиб теннисчида. Янник Ганфманн иккинчи даврада дунёнинг биринчи ракеткаси Новак Жоковичга қарши кортга чиқади.