18 июн 16:06
Янгиликлар

Теннис

Энди Маррей Ноттингем "Челленжер" финалида

Буюк Британиянинг Ноттингем шаҳрида теннис бўйича "Челленжер" туркумига кирувчи турнир давом этмоқда.

Дунёнинг 44-ракеткаси Энди Маррей мусобақанинг финалига йўл олди. Британиялик теннисчи 74 дақиқа давом этган 1/2 финалда ATP рейтингининг 73-поғонасида бораётган португалиялик Нуну Боргешни ортиқча қийинчиликсиз мағлубиятга учратди - 6/3, 6/2.

Бу теннисчиларнинг ўзаро ўтказган илк учрашуви эди. Маррей 6, Боргеш эса 3 та эйс зарбани амалга оширган. Иккала теннисчи ҳам қўшхатога йўл қўймади. Брейклар сони Эндида кўпроқ бўлди - 4 га 1. Маррей қаторасига иккинчи ҳафта ҳам "Челленжер" турнирининг финалида ўйнайди. Бугун у бош соврин учун франциялик Артур Казога қарши кортга чиқади.