11 июн 17:14
Янгиликлар

Теннис

Энди Маррей ўз юртидаги "Челленжер" финалида

Буюк Британиянинг Сурбитон шаҳрида ўтказилаётган теннис бўйича "Челленжер" туркумига кирувчи турнир ўз якуни сари яқинлашмоқда.

Дунёнинг 43-ракеткаси Энди Маррей бош совринни кўзламоқда. Британиялик теннисчи 124 дақиқа давом этган 1/2 финал учрашувида ATP рейтингининг 76-поғонасидан бораётган австралиялик Жордан Томпсондан устун келди - 7/6(5), 6/3.

Маррей теннисчиларнинг ўзаро учрашувларидаги мувозанатни тиклади - 1:1. Маррей 8, Томпсон 6 та эйс зарбасини амалга оширган. Бугун у бош соврин учун баҳсда австриялик Юрий Родионовга қарши кортга чиқади. Родионов ўз ўрнида бельгиялик Зизу Бергсдан устун келди.