Энди Маррей қандай ҳолатда Олимпиадада иштирок этишини айтди

"Мен жон-жон деб Олимпиадада иштирок этган бўлардим, аммо медаль учун имкониятим бўлсагина.

Олимпиадаларда катта тажрибам борлигини ҳисобга олсак, мен фақатгина лицензиям бўлсагина ўйнашни истардим, шунчаки терма жамоадаги йигитларнинг ўрнини олиб қўйиб эмас. Бизда яккаликда ажойиб йигитлар бор, шунингдек Жек (Дрейпер), Кэм (Норри) ва Эво (Даниэль Эванс) яккаликда яхши ҳаракат қилади. 

Бу менинг сўнгги турнирим бўлгани учунгина терма жамоадан жой олишни истамайман. Айнан шунинг учун ҳам ёзда ҳали нима бўлишини билмайман", - деди Маррей.