Энди Маррей қаторасига иккинчи ҳафта "Челленжер" турнири ғолиби бўлди

Дунёнинг 44-ракеткаси бўлиб турган британиялик теннисчи ҳал қилувчи финал учрашувида ATP рейтингида 181-поғонада бораётган франциялик Артур Казони икки сетда ҳам бир хил ҳисобда мағлубиятга учратди ва бош соврин соҳибига айланди - 6/4, 6/4.

Бу теннисчиларнинг ўзаро ўтказган илк учрашуви сифатида тарихга муҳрланди. Бир соату 47 дақиқа давом этган баҳсда Маррей ҳам, Казо ҳам 3 тадан эйс зарбасини амалга оширган. 

Шу тариқа, Энди Маррей кетма-кет иккинчи, бу йилги мавсумдаги учинчи "Челленжер" турнири бош совринига эга чиқди. Ноттингемдаги муваффақиятли иштирок унга 125 очко ва 19,650 евро мукофот пули келтирди. Казо эса 75 очко ва 11,570 евролик бўлди. У бугун эълон қилинадиган рейтингда Топ-150`таликда дебют қилади.