03 мар 09:28
Янгиликлар
Бокс/ММА
Энди Руис vs Крис Арреола жанги санаси маълум
Супероғир вазн тоифасида собиқ WBA Super, WBO, IBF ва IBO чемпионлик камарлари соҳиби Энди Руис бир ярим йиллик танаффусдан сўнг рингга қайтмоқда.
Мексикалик боксчи 24 апрель куни WBC чемпионлик камарига собиқ даъвогар Крис Арреолага қарши жанг ўтказади. Рақиб ҳақида аввалроқ хабар берилган эди. Бугун эса ташкилотчилар жанг санасини эълон қилишди.
Шу тариқа, Руис бир ярим йиллик танаффусдан сўнг фаолиятини қайта тиклайди. У сўнгги бор 2019 йилнинг декабрь ойида Энтони Жошуага имкониятни бой бериб, айнан британияликдан тортиб олган камарларини қайта топширганди. Арреола эса 2019 йилнинг март ойида польшалик Адам Ковнацкига ютқазган.
Яна бир маълумот, Крис Арреола WBC камарини қўлга киритиш учун уч бора уриниб кўрган ва барча жангларда Виталий Кличко, Бермейн Стиверн ва Деонтей Уайлдердан енгилган.
Ҳавола :
Фикрлар