Энг яхши курашчи "Nexia-3" билан тақдирланди + ФОТО

Термиз шаҳрида Ўзбекистон Республикаси Конституцияси қабул қилинганлигининг 27 йиллиги ҳамда қишлоқ хўжалиги ходимлари кунига бағишлаб Сурхондарё вилояти ҳокими соврини учун миллий кураш бўйича эркаклар ўртасида вилоят очиқ турнири бўлиб ўтди.

Мусобақанинг тантанали очилиш маросимидадан сўнг анъанага кўра, беллашувларни кекса ва жажжи полвонлар бошлаб берди. Шундан сўнг, юртимизнинг турли вилоятларидан, вилоятимиз шахар, туманлардан ва Термиз давлат университетидан биттадан жамоа бўлиб келган 100 нафарга яқин номдор курашчилар 66, 73, 81, +90 кг. вазн тоифасида ўзаро беллашдилар.

 66 КГ. ВАЗН ТОИФАСИДА

1-ўрин – Муҳриддин Тиловов (Андижон);

2-ўрин – Баҳодир Бобоев (Сурхондарё);

3-ўрин – Аброр Жабборов (Сурхондарё);

3-ўрин – Қобул Аҳмедов (Хоразм)

 81 КГ. ВАЗН ТОИФАСИДА

1-ўрин – Арслон Тожиев (Қашқадарё);

2-ўрин – Ўрол Содиқов (Сурхондарё);

3-ўрин – Бозор Абдураҳимов (Сурхондарё);

3-ўрин – Умар Бозоров (Сурхондарё)

 +90 КГ. ВАЗН ТОИФАСИДА

1-ўрин – Самижон Убайдуллаев (Сурхондарё);

2-ўрин – Зиёдулло Нодиров (Сурхондарё);

3-ўрин – Муҳсин Ҳисомиддинов (Сурхондарё);

3-ўрин – Абдулла Тангриев (Сурхондарё)

66 ҳамда 81 кг. вазн тоифаларида ғолибликни қўлга киритган курашчилар 10, 3 ва 2 миллион сўмдан пул мукофотлари ва телевизор, +99 кг. вазн тоифасида 2-ўрин соҳиби 10 миллион, 3-ўринни эгалланган полвонларнинг ҳар бири 5 миллион сўм пул мукофотлари ва телевизорлар билан тақдирланди. 

1-ўринга муносиб топилган курашчи Самижон Убайдуллаевга Бош соврин – “Nexia-3” автомашинаси калитини Сурхондарё вилояти ҳокими Тўра Боболов топширди.

Ўзбекистонда хизмат кўрсатган артист Лола Аҳмедова, хушовоз хонанда Озода Нурсаидова томонидан ижро этилган куй-қўшиқлар барчага байрам кайфиятини улашди. Сурхондарё вилояти ҳокими соврини учун миллий кураш бўйича вилоят очиқ турнирида Ўзбекистон миллий кураш федерацияси раиси биринчи ўринбосари К.Юсупов иштирок этди.

Ўзбекистон кураш ассоциацияси матбуот хизмати