Энг яхши спортчи бўлган Абдумалик Халоков олдиндаги режалари, Музаффар Тўрабоев ва Улуғбек Рашитов ҳақида гапирди

"Бу мукофот мен учун жуда қувонарли бўлди. Чунки мен билан бирга ушбу йўналишда Музаффар Тўрабоев, Улуғбек Рашитов каби спортчилар бор эди. Улар ҳам бу унвонга муносиб эдилар.

Бу билан тўхтаб қолмоқчи эмасмиз. Олдимизда Париж Олимпиадаси турибди. Нафақат мен, бошқа ўзбек спортчилари ҳам Худо хоҳласа бирга бориб, юртдошларимизни, халқимизни Президентимизни хурсанд қилишга ҳаракат қиламиз.

- Навбатдаги режалар қандай? 

- Режа асосида Олимпиадага тайёрланамиз. Болгарияга ҳам борамиз ва ўша ердаги "Странжа" мусобақасида қатнашамиз.

- Проф боксда яна жанг қиласизми?

- Профессионал боксда эмас, IBA'нинг "Чемпионлар оқшоми" мусобақасида рингга кўтариламан. Жанг февраль кунига мўлжал қилинмоқда. Ҳозирча рақиб аниқ эмас, январь ойида маълум бўлади. 

Тайёргарлик ҳар доимгидек давом этмоқда. Тўхташ йўқ, чунки тўхтаган одам йиқилади. Энди Париж Олимпиадасига қадар дам олиш йўқ", - деди Абдумалик Халоков.