Эркин ва юнон-рум курашчиларимизда Токио Олимпиадаси лицензиялари 8 тага етди

Кечки дастурда бизни ўзбекистонлик эркин курашчилар иштирокидаги 4 та финал учрашуви кутмоқда. Ўз вазн тоифаларида Токио Олимпиадаси йўлланмасини қўлга киритган Ғуломжон Абдуллаев (57 кг), Бекзод Абдураҳмонов (74 кг), Жавраил Шапиев (86 кг) ва Магомед Ибрагимов (97 кг) мусобақанинг финалида олтин медаль учун гиламга чиқади. 

Шу тариқа, Ўзбекистон эркин ва юнон-рум кураши терма жамоаларининг Токио Олимпиадасига лицензиялари сони 8 тага етди. Ҳар иккала терма жамоамизда 4 тадан Олимпиада чиптаси бор. Кеча ўтказилган классиклар беллашувларида ҳамюртларимиздан Мўминжон Абдуллаев (130 кг) ўз фаолиятида учинчи бор Олимпиадада қатнашиш ҳуқуқини қўлга киритган эди.  

Юнон-рум кураши лицензиялари:

60 кг: Элмурат Тасмурадов       

77 кг: Жалгасбай Бердимуратов 

97 кг: Рустам Ассакалов 

130 кг: Мўминжон Абдуллаев 

Эркин кураш лицензиялари:

57 кг: Ғуломжон Абдуллаев

74 кг: Бекзод Абдураҳмонов

86 кг: Жавраил Шапиев

97 кг: Магомед Ибрагимов

Маълумот учун, Токио Олимпиадасига йўлланмаларни тақдим этувчи сўнгги лицензион мусобақа 6-9 май кунлари Болгария пойтахти София шаҳрида ўтказилади. Жаҳон лицензион турнирида барча қитъа курашчилари, шу жумладан Ўзбекистон терма жамоаси аъзолари сўнгги имкониятдан фойдаланади. Ҳозирда эркин курашда 2 та, юнон-рум курашида ҳам 2 та, аёллар курашида эса тўлиқ 6 та йўлланмани қўлга киритиш имконияти бор.