Эртага Тошкентда Халқаро велосипедчилар иттифоқи иштирокида расмий тадбир ўтказилади

ПРЕСС-РЕЛИЗ

Мавзу: Халқаро Велосипедчилар Иттифоқи(UCI) ва Осиё велосипед спорти Конфедерацияси(АСС) ҳамда Ўзбекистон велосипед спорти Федерацияси раҳбарларининг расмий учрашуви.
Ўтказилиш вақти: 2017 йил 21 декабрь кунлари соат  09:00дан 11:00гача, соат 18:00 дан 19:00гача.

Ўтказилиш жойлари: 21 декабрь куни “Туркистон”давлат резиденцияси

Юртимиз ёшларини етук ва баркамол инсонлар этиб вояга етказиш, уларни ватанпарварлик руҳида камол топишларини таъминлаш, уларнинг иқтидори ва қобилиятларини тўла намоён этиши учун зарур шарт-шароитларни яратиб бериш олдимизда турган муҳим вазифаларимиздан бирига айланган.

Спорт – саломатлик гарови. Юртимизда болалар ва ўсмирлар спорти ривожига алоҳида аҳамият бериб келинмоқда. Турли-туман спорт мусобақаларини ташкил этиш орқали ёшларни оммавий тарзда спортга жалб этишга эришилмоқда.

Ўзбекистон Республикаси Президентининг 2017 йил 9 мартдаги “2020 йил Токио шаҳрида (Япония) бўлиб ўтадиган XXXII ёзги Олимпия ва  XVI Паралимпия ўйинларига Ўзбекистон спортчиларини муносиб тайёрлаш тўғрисида” ги ПҚ 2821 сон Қарорининг чора тадбирлар дастурида белгиланган вазифалар ижросини таъминлаш мақсадида  Халқаро Велосипедчилар Иттифоқи(UCI) ва Осиё велосипед спорти Конфедерацияси(АСС) ҳамда Ўзбекистон велосипед спорти Федерацияси раҳбарларининг расмий учрашуви бўлиб ўтади.
Халқаро учрашув доирасида: Республика спорт жамоатчилиги, жамоат арбоблари билан учрашув, диққатга сазовор, тарихий маданий обидаларга ташриф ўрин олган.
Халқаро учрашув ўтказилишидан асосий мақсад:
- Республикамизда велосипед спортини янада ривожлантириш, ўзаро ҳамкорлик ва тажриба алмашиш, болалар ва ўсмирлар ўртасида спортнинг ушбу турини мунтазам ташкил этиш орқали спорт билан шуғулланишга кенг жалб қилиш ва уларнинг бўш вақтларини мазмунли ва фойдали ўтказишларини ташкил этиш;
- ёшларни, айниқса қизларни жисмонан бақувват, баркамол ва соғлом бўлишига, чиниқишига, умумий иш қобилиятини ўсишига ёрдам бериш;
- спорт билан мунтазам шуғулланаётган ёшларни аниқлаб, улар ўртасида мусобақалар ўтказиш ҳамда радио ва телевидения орқали тарғибот этиш орқали бошқа болаларнинг ҳам спорт билан фаол иштирокига эришиш;
- спортнинг мазкур турини янада ривожлантириш ва халқаро майдондаги ўрнини қарор топтириш;
- 2018 йилда Тошкент велотрекида Осиё кубогини, 2019 йилда эса шоссе йўналиши бўйича Осиё чемпионатини ўтказиш;
- велоспортнинг Олимпия тури ҳисобланган  “BMX” ва “Маутенбайк” йўналишларини Ўзбекистонда ривожлантириш мақсадида Тошкент вилояти ҳудудида мазкур турлар учун спорт иншооти комплексини (велодром) қуришга (халқаро ташкилотларнинг молиявий маблағлари ҳисобига) эришиш;
- давлатимиз раҳбари томонидан қабул қилинган “Чорвоқ” эркин туристик зонасини яратиш тўғрисидаги қарорига асосланган ҳолда мазкур ҳудудда халқаро мавқега эга бўлган “Tour de Charwak Lake” кўп кунлик велопойгани ўтказилишини таъминлаш мақсадида велопойгани UCI тақвим режасига киритиш;
- UCI ва ААС халқаро ташкилотларидан янгидан ташкил этилган «Tashkent City» Континентал велосипед командасининг халқаро турнир ва Гран-приларда қатнашишида норматив-ҳуқуқий (тааълуқли рухсатномалар, мусобақаларга расмий таклифномалар ва х.к.), моддий-техникавий (велосипедлар, спорт ускуналари ва анжомлари в.б.) кўмак ҳамда амалий ёрдам олишга эришиш;
- Ўзбекистонда хотин-қизлар велосипед спорти турини янада ривожлантириш, уни халқаро ареналарга олиб чиқиш, Республикамизда хотин-қизлар иштирокида нуфузли халқаро спорт мусобақаларини ўтказиш каби масалаларни муҳокама қилиш каби вазифаларни амалга оширишдир.


Мусобақа ташкилий қўмитаси ушбу тадбирни амалга оширишда яқиндан ёрдам берган барча ташкилот ва ҳомийларга, оммавий ахборот воситалари орқали ёритишда кўмаклашган барчага олдиндан ўзининг самимий миннатдорчилигини билдиради.

Ташкилий қўмита
тел.: (+99891) 780-77-80; факс: 237-47-44; info@cycling.uz