06 июл 16:01
Янгиликлар

Спорт курашлари

Европа чемпиони 4 йилга дисквалификация қилинди

Эркин кураш бўйича Европа чемпиони Георгий Колиев допинг сабаб 4 йилга четлатилди.

Беларуслик курашчининг дисквалификация қилинишига унинг қон таркибида тақиқланган модда аниқлангани сабаб бўлган. Колиевнинг таҳлили унинг қонида дегидрохлорметилтестостерон метаболити борлигини тасдиқлади.

Дисквалификация учун белгиланган жазо 2020 йилнинг 17 февралидан кучга кирди. Георгийнинг 2020 йилнинг 13 январидан кейинги барча натижалари нолга тенглаштирилди, яъни бекор қилинди. Георгий Колиев катталар ўртасида Европа чемпиони (2016) ҳисобланади. У 2013 йилда ёшлар ўртасида ҳам қитъа чемпиони бўлган эди.