Европа лигаси. "Аякс" - "Лион" 4:1, амстердамликлар бир оёғи билан финалда

Ўйиннинг 24-дақиқасида жарима тўпидан сўнг Траоре боши билан рақиб дарвозасини ишғол қилди - 1:0. Орадан 10 дақиқа ўтиб, Каспер Дольберг ҳимоячиларнинг хатосидан сўнг жарима майдони ичига кириб бориб гол урди - 2:0.

Иккинчи бўлим бошида Юнес ҳисобни йириклаштирди - 3:0. 66-дақиқада Вальбуэна меҳмонларнинг ягона жавоб тўпини киритди - 3:1. 71-дақиқада Траоре дублга эришиб, ўйинга мантиқий якун ясади. 

"Аякс" - "Лион" 4:1

Голлар: 1:0 – 25 Траоре, 2:0 – 34 Дольберг, 3:0 – 49 Юнес, 3:1 – 66 Вальбуэна, 4:1 – 71 Траоре.

"Аякс" – Онана, Санчес, Ридевалд, Тете, Зиеш, де Лигт, Шене (ван де Бек, 71), Классен, Юнес (Клюйверт, 79), Траоре, Дольберг (Нерес, 88).

"Лион" – Антони Лопеш, Нкулу, Морель, Жалле (Рафаэл, 69), Диакаби, Вальбуэна, Тузар (Геззаль, 58), Корне (Ляказетт, 76), Толиссо, Фекир, Гоналон.

Огоҳлантиришлар: де Лигт (30), Гоналон (41), Траоре (62).