Фабио Каннаваро Тимур Кападзе ва Сречко Катанец ҳақида гапирди

Улар орасида терма жамоанинг собиқ устози ҳақида ҳам савол бор эди.

- Ассоциация билан шартнома имзолаган кунингизда собиқ бош мураббий Тимур Кападзе ҳам ёнингизда эди ва Малайзиядаги йиғинга бирга бордингизлар. Собиқ бош мураббий билан ишлаш бирга ишлаш қандай бўлди? Ахир футболда иккита бош мураббийнинг бирга ишлаши камдан-кам учрайдиган ҳолат...

- Очиғини айтсам, Тимур билан боғлиқ вазият жуда ойдин ва аниқ эди. У терма жамоа билан тўртта ўйин ўтказган аввалги мураббий эди. Лекин у йигитларни яхши танирди. Унинг ассоциация билан шартномаси бор эди ва мендан у билан ишлашга розимисиз, деб сўрашганида, мен “ҳа” деб жавоб бердим. Чунки менга ўзим билан ишлайдиган маҳаллий мураббий керак эди. Менга бошиданоқ ёнимда бўлиб, кўп нарсаларни кўрсата оладиган одам зарур эди. Нега дейсизми? Чунки Осиёда қаерда ишлаган бўлсам, футболчиларнинг маданияти ва одатларини яхшироқ билиш учун доим маҳаллий мураббий ёки маҳаллий мутахассис билан ишлашни сўраганман. Тимур билан муносабатларимиз жуда яхши эди. Бироз вақт ўтиб, у бошқа клубдан тушган таклифни қабул қилишга қарор қилди ва кетди. Лекин ҳозир ҳам у билан муносабатларим жуда яхши деб ўйлайман. У терма жамоада ажойиб натижалар қайд этдди. Ҳудди Катанец каби, Катанец ҳам ажойиб ишлар қилди. Бу ерга келганимда, мен Катанец билан ҳам гаплашиб, ундан кўп нарсаларни сўрадим У жуда хушмуомала эди ва менга кўплаб маълумотларни берди. Бу табиий ҳол.

Интервьюни тўлиқ ҳолда қуйида томоша қилишингиз мумкин.