Федерацияларга Токио Олимпиадасига лицензия олиш бўйича максимал вазифа юклатилди

Унда Токио Олимпиадасига олиб борилаётган тайёргарлик ва соҳа ривожи бўйича танқидий фикрлар билдирилиб, амалга оширилиши зарур бўлган чора-тадбирлар бўйича тегишли кўрсатмалар берилган эди. Бугун МОҚда ана шу мажлисда кўрсатилган топшириқлар ижросини таъминлаш юзасидан йиғилиш ўтказилди. Уни Миллий олимпия қўмитаси раҳбари Рустам Шоабдураҳмонов олиб борди.

Йиғилишда, шунингдек, Ўзбекистон Республикаси Президенти админстрацияси масъул ходими Асилбек Муртазоев, барча федерация ва ассоциациялар раҳбарияти, Соғлиқни сақлаш вазирлиги вакили ва ОАВ ходимлари ҳам иштирок этди.

Йиғилишда МОҚ президенти маслаҳатчиси Назиржон Худойқулов Олимпиадага тайёргарлик кўриш бўйича сўнгги икки ҳафтада ишлаб чиқилган тизим бўйича ҳисобот топширди. Шундан сўнг Рустам Шоабдураҳмонов қилинадиган ишлар борасида атрофлича гапириб ўтди.

“Ўтказилган видеоселекторда ҳақиқатда ўринли танқидлар билдирилди. Бу бўйича ишни янада жадаллаштиришимиз керак. Ҳозир Олимпия ўйинларига тайёрланаётган барча спорт турларига қўшимча ходимлар бириктирилди. Уларнинг иши федерация ва мураббийларнинг фаолиятига аралашмаган ҳолда олиб борилаётган ўқув-машғулот йиғинларини кузатишдир. Эрталабдан спортчилар билан бирга бўлиб, кун давомида ҳар бирининг ҳолати, машғулотларга қандай ёндошаётгани, соғлиғидаги ўзгаришлар бўйича ҳисобот топширади. Президентимиз спорт тиббиёти бўйича ҳам алоҳида кўрсатма берганлар. Спортчиларимизнинг витаминларини, фармокологик воситаларини ўз вақтида истеъмол қилинаётгани борасида ҳам назорат бўлади”, – деди Рустам Шоабдураҳмонов.

Йиғилиш давомида ҳар бир федерацияларнинг Токио Олимпиадасига лицензия қўлга киритиш бўйича максимал ҳаракат қилиниши, бунинг учун Миллий олимпия қўмитаси керакли шароитларни яратиб беришга тайёр экани бўйича ҳам тўхталиб ўтилди. МОҚ раҳбари йиғилишни юртбошимизнинг Олимпия ўйинларида қўлга киритиладиган медаллар, аввало, ёшларимизга кераклиги, улар мана шу медалларга қараб акаларига, опаларига ҳавас қилиб, спорт билан шуғуллана бошлашлари ҳақидаги иқтибослари билан якунлади.