10 сен 12:45
Янгиликлар

Шахмат

FIDE Grand Swiss 2025. Бу сафар Синдаров деярли 8 соатлик ўйин ўтказди. Афруза Топ-10`таликда

Самарқанд шаҳри мезбонлигида ўтаётган умумий мукофот жамғармаси 855 000 АҚШ долларини ташкил этувчи FIDE Grand Swiss 2025 нуфузли мусобақасида 6-тур ўйинлари бўлиб ўтди.

Турнирнинг 6-турида Нодирбек Абдусатторов (2748) қора доналарда исроиллик Максим Родштейн (2645) билан дурангга имзо чекди. Нодирбек Якуббоев (2681) ҳам бу турда муроса йўлини танлади. У ҳиндистонлик Пранав билан очколарни бўлишиб олди.

Самарқанддаги турнирни омадсиз ўтказаётган Жавоҳир Синдаров (2722) БАА шахматчиси Салем Салеҳ (2640) билан дуранг қайд этди.

Олтинчи турдан кейин эронлик Парҳам Мақсудлу (2692) 5 очко билан якка пешқадам бўлиб турибди. Беш нафар гроссмейстер ҳисобида 4,5 очкодан бор. Нодирбек Абдусатторов 4 очко билан қўшимча кўрсаткичларга кўра 13-ўринни эгаллаб турибди.

WOMENS, яъни аёллар гуруҳида ҳамюртларимиздан биргина Афруза Ҳамдамова очко олди. У қозоғистонлик гроссмейстер Бибисара Ассаубаева (2505) билан дуранг ўйнади. Қолган шахматчи қизларимиз бу турда рақибларига имкониятни бой беришди.