ФИДЕ Жаҳон Кубоги. Cиндаров 1/16 финалда! Жаҳонгир ва Нодирбек тай-брекда ўйнайди

Мусобақанинг умумий мукофот жамғармаси 1 892 500 долларни ташкил қилади. Ғолиб якунда 110 000 долларга эга бўлади. Кеча Жаҳон Кубогининг 1/32 финал босқичидан ўрин олган иккинчи партиялар ўтказилди. Унда ёш гроссмейстерларимиз Жаҳонгир Воҳидов, Жавоҳир Синдаров ва Нодирбек Абдусатторов номдор, рейтингда ўзларидан анча юқорида турган гроссмейстерларга қарши иккинчи бор дона суришди. 

Қувонарлиси, Жавоҳир Синдаров перулик Хорхе Корини 1,5:0,5 ҳисобида мағлубиятга учратиб, 1/16 финал босқичига йўл олди. Биринчи партияда дуранг қайд этилганди, иккинчи учрашувда Жавоҳир рақибидан устун келди. 

Жаҳонгир Воҳидов 1/16 финал чиптаси учун кечаётган илк баҳсда россиялик Павел Понкратовни мағлубиятга учратганди. Иккинчи партияда эса Понкратовнинг қўли баланд келди - 1:1. Нодирбек Абдусатторов эса турнир фаворитларидан бири франциялик таниқли гроссмейстер Аниш Гири билан иккинчи партияда ҳам дуранг ўйнади. Бугун шахматчилар ўзаро ҳал қилувчи тай-брекда тўқнаш келишади. 

Жавоҳир Синдаров эса 1/8 финал чиптаси учун кечадиган учрашувларда польшалик халқаро гроссмейстер Пиорун Касперга қарши дона суради. 30 ёшли Каспер 1/32 финалда нидерландиялик Йорден Ван Фористни 1,5:0,5 ҳисобида енгди.   

ФИДЕ Жаҳон Кубоги. 1/32 финал. Иккинчи партия 

Жаҳонгир Воҳидов – Павел Понкратов (Россия) – 1:1

Хорхе Кори (Перу) – Жавоҳир Синдаров – 0,5:1,5

Нодирбек Абдусатторов – Аниш Гири (Франция) – 1:1