13 июл 08:13
Янгиликлар

Спорт курашлари

Финалда бир-бири билан рўбарў келган эгизак Каримовлар Киев турнири шоҳсупасида!

Украина пойтахти Киев шаҳрида эркин кураш бўйича анъанавий халқаро хотира турнири бўлиб ўтди.

Украинада хизмат кўрсатган мураббий Олег Сазонов хотирасига бағишлаб бешинчи бор ташкил этилган мусобақада мезбонлардан ташқари Германия, Молдова ва Ўзбекистондан жами 350 нафардан зиёд иқтидорли ёшлар гиламга чиқишди.

Қувонарлиси, 38 кг вазн тоифасидаги беллашувларда юртимиз шарафини ҳимоя қилган эгизаклар - Амирхон ва Хожихон Каримовлар финалга қадар етиб боришди. Уларнинг ҳар иккиси ҳам финалгача тўрт нафардан рақибларини мағлуб этишди. Олтин медаль учун кечган баҳсда Амирхоннинг қўли баланд келди.