Финалда сенсация! Музетти Карлос Алькаразни таслим этди

Ҳал қилувчи финал учрашувида ATP рейтингида 62-поғонадан жой олган италиялик Лоренцо Музетти дунёнинг олтинчи ракеткаси, испаниялик Карлос Алькаразни мағлубиятга учратди - 6/4, 6/7(6), 6/4. Алькараз иккинчи сетда 5 та матчболдан чиқиб кетди, аммо учинчи ҳал қилувчи сетда барибир рақибига ютқазиб қўйди.

Эътиборлиси, Музетти фаолиятидаги илк совринни айнан Гамбургда қўлга киритди. Икки соату 49 дақиқа давом этган баҳсда Музетти 2 та, Алькараз эса 1 та эйс зарбасини ижро этди. Бу теннисчиларнинг ўзаро ўтказган илк учрашуви эди. 

Лоренцо бир ҳафталик меҳнатидан 331,125 евро мукофот пули ҳамда 500 рейтинг очкоси ишлаб олди. У бугун эълон қилинган рейтингда 31-ўринга кўтарилиб олди. Музетти бу йил илк ATP совринини қўлга киритган ўнинчи теннисчига айланди.