Фомин Анталиядаги ITF турнирида ўз юришини бошлади

Мамлакатимизнинг иккинчи ракетка устаси кеча турнирнинг илк босқичи доирасида испаниялик 19 ёшли Икер Севильяга қарши кортга чиқди. 2 соат, 53 дақиқа давом этган ўйинда Фомин ATP рейтингида 1357-ўринни эгаллаб турган рақибини 2:1 (5/7, 7/5, 7/5) ҳисобида таслим этди.

Сергей мусобақада олтинчи рақам остида таснифланган. У энди бугун нимчорак финал босқичидаги ўйинини ўтказади. 24 яшар ҳамюртимизга бу сафар ҳам испаниялик теннисчи рақиблик қилади. 21 ёшли Алехандро Пертуса Манзанерага қарши кечадиган ўйин 12:00 да бошланиши режалаштирилган.

Таққослаш учун, Фомин айни дамда ATP рейтингида 543, Пертуса эса 643-ўринни банд этиб турибди.