Фомин Фужайра, Кудерметова эса Анталиядаги "Челленжер" турнирида қатнашади

Эркаклар ўртасида мамлакатимизнинг биринчи рақамли ракеткаси Сергей Фомин эртадан Бирлашган Араб Амирликларининг Фужайра шаҳрида ўтказиладиган "Челленжер" турнири асосий тўрида ўз юришини бошлайди. Унга илк босқичда нейтрал мақомдаги теннисчи Петр Барбирюков рақиблик қилади. 25 яшар Фомин ҳозирда ATP рейтингида 326, 24 ёшли Барбирюков эса 298-ўринни эгаллаб турибди. Ўйин Тошкент вақти билан 11:00 да бошланиши режалаштирилган.

Бундан ташқари, теннис маликаларимиздан бири Полина Кудерметова (WTA-148) Анталиядаги навбатдаги "Челленжер" мусобақасида омадини синаб кўради. У дастлабки босқич доирасида нейтрал мақомдаги Алина Чараева (WTA-138) билан баҳс олиб боради. Нимчорак финал йўлидаги беллашув 12:00 га белгиланган.