20 июн 15:10
Янгиликлар

Теннис

Фомин Саарлуисдаги турнирда ўз маҳоратини намойиш қиляпти

Германиянинг Саарлуис шаҳрида теннис бўйича М15 тоифасига кирувчи турнир бўлиб ўтмоқда.

Мукофот жамғармаси 15 000 АҚШ долларини ташкил этувчи мусобақада ҳамюртимиз Сергей Фомин ҳам ўз имкониятини синовдан ўтказяпти. Мамлакатимизнинг иккинчи ракеткаси турнирдаги иштирокини ғалаба билан бошлаб олди.

Фомин илк даврада америкалик Феликс Корвинга қарши баҳс олиб борди. Етмиш тўрт дақиқа давом этган баҳсда ҳамюртимиз ортиқча қийинчиликсиз ғалабага эришди - 6/1, 6/1. Сергей ATP рейтингида 634, Феликс эса 673-ўриндан жой олган.

Бугун Сергей Фомин турнирнинг 1/8 финалида рейтингнинг 1460-поғонасида бораётган австриялик Петер Голдстейнерга қарши кортга чиқади. Теннисчимиз Саарлуис турнирида саккизинчи рақам остида сараланган.