31 май 13:51
Янгиликлар

Теннис

Фомин яккаликда тўхтатилди, жуфтликда эса 1/2 финалга чиқди

Босния ва Герцеговиниянинг Кисиляк шаҳарчасида теннис бўйича М25 тоифасига кирувчи турнир давом этмоқда.

Мукофот жамғармаси 25 000 АҚШ долларини ташкил қилувчи ушбу мусобақада ҳамюртимиз Сергей Фомин иштирок этяпти. Мамлакатимизнинг иккинчи ракеткаси илк даврада австралиялик Антонио Пеливанга ҳеч қандай имконият қолдирмаганди - 6/0, 6/0.

Афсуски, Фомин 1/8 финалда австралиялик Мэттью Деллаведовага 3/6, 6/3, 3/6 ҳисобларида ютқазиб, яккаликдаги иштирокини тўхтатди. Деллаведова дунё рейтингида 429-ўринни эгаллаб турибди. Фомин эса 619-поғонадан жой олган. Энди ҳамюртимиз бор эътиборини жуфтликдаги иштирокига қаратади. Бугун у финал чиптаси учун кортга чиқади.