ФОТО. Чирчиқ шаҳрида "Беш ташаббус олимпиадаси"нинг иккинчи босқичида ғолиблар аниқланди

Хусусан, жорий йил 18 октябрдан 29 октябрга қадар Чирчиқ шаҳридаги таълим муассасаларида "Беш ташаббус олимпиадаси" дастуридан ўрин олган мини-футбол, стол тенниси, шахмат-шашка, волейбол, енгил атлетика, стритбол, кураш, "street workout" бўйича иккинчи мавсум, яъни секторларо шаҳар босқичи мусобақалари бўлиб ўтди. Чирчиқ шаҳар Спортни ривожлантириш бўлими ва спорт мактаби,  Ёшлар ишлари агентлиги  Чирчиқ шаҳар бўлими ҳамда бошқа масъул ташкилотлар ҳамкорлигидаги беллашувлар натижаларига кўра, "street workout" бўйича "Ҳайдар Мақсудов" "Наврўз"," Баҳор", "Лола"," Иқбол" номли маҳалла ёшлари етакчилик қилишди. Стол тенниси баҳсларида "Аҳмад Яссавий" ҳамда "Лола" МФЙ жамоалари ғолибликни қўлга киритишди. Стритбол мусобақасида учинчи сектордаги "Баҳор" МФЙ нинг 16-21 ёшли ўғил болалар жамоаси, енгил атлетикадан худди шу ёш тоифасида қизлар жамоаси фахрли биринчи ўринларни банд этиб, вилоят босқичига чиқишди. Енгил атлетика баҳсларининг 21-27 ёшли хотин-қизлар ўртасида тўртинчи секторда жойлашган "Тинчлик" МФЙ жамоаси ҳам маррани биринчилардан бўлиб забт этиб,кейинги босқич йўлланмасини  нақд  қилишди. Шахмат мусобақаларида ёш тоифаларига кўра, Меҳриддин Султонов, Асадбек  Обидов, Улуғбек Турсуатов, Гўзал Гулметова, Севинч Мўминова, шашкада Самандар Нишонбоев, Саид Нузурметов, Алтинбек Собиров, Бахтиёр Расулов, Албина Адашбоева, Шаҳзода Шермуҳаммедова, Камола Юлдошевалар барча рақибларидан устун келиб, биринчи бўлишди. Шу тариқа "Беш ташаббус олимпиадаси" дастуридаги спорт турлари бўйича шаҳар босқичи ғолиблари аниқланди.

Илҳом РАҲМОНОВ тайёрлади