ФОТОГАЛЕРЕЯ: "Юнусобод" спорт мажмуида таэквондо бўйича Марказий Осиё чемпионати бўлиб ўтмоқда

4 та ёш тоифасида ўтказилаётган мусобақада Қозоғистон, Қирғизистон, Тожикистон, Туркманистон ва Ўзбекистондан 538 нафар спортчи иштирок этмоқда.

Кеча таэквондонинг тул ва массоги йўналишлари бўйича яккалик ва жамоавий баҳслар бўлиб ўтди. Жамоавий баҳсларни кўтаринки руҳда ўтказган ҳамюртларимиз 1-ўринни эгаллашди. Кейинги ўринлар Қозоғистон, Тожикистон ва Қирғизистон вакилларига насиб этди.

11-13 ёшлилар ўртасида ўтказилган яккалик баҳсларида  ҳамюртимиз Шафика Багирова олтин медалга сазовор бўлди. Коняки Ўразбоева (Қирғизистон) кумуш медалга эга чиқди. Эва Чекризахов (Қозоғистон) ва Александра Искандарова (Тожикистон) га бронза медаллари насиб этди.

Ўғил болалар ўртасида бўлиб ўтган 14-15 ёшлилар мусобақасида Қозоғистон вакили Владимир Фу маҳорат бобида тенгдошларидан устун эканлигини намоён этиб, ғалаба шоҳсупасининг энг юқори поғонасидан ўрин эгаллади. 2-ўринга Владимир Пак (Ўзбекистон) кўтарилди. 3-ўринни Шерали Лойиқ (Тожикистон) ва Мурат Темиргалиев (Қозоғистон) баҳам кўришди.

Марказий Осиё чемпионати баҳслари 19 март куни ниҳоясига етади.

Суратлар муаллифи - Алимурод Мадаминов, olamsport.com муҳбири