22 июл 13:22
Янгиликлар
Олимпия ўйинлари
Франция Париж-2024 Олимпия ўйинларида ғолиб ва совриндор спортчилари учун қанча пул мукофоти берилишини эълон қилди
Франция Олимпия қўмитаси кейинги йил Парижда бўлиб ўтадиган Олмипия ўйинларида ғолиб ва совриндорлик қўлга киритадиган атлетлар қанча пул мукофотига эга чиқишини маълум қилди.
Унга кўра, Париж-2024 Олимпия ўйинларида ғолибликни қўлга киритган франциялик спортчилар 80 000 евро (1 032 836 000 сўм) пул мукофотига эга чиқади. Кумуш медални қўлга киритган атлетлар эса 65 000 евро (839 179 250 сўм) билан тақдирланади. Учинчи ўринни эгаллаган спортчилар давлат томонидан 50 000 евро (645 522 500 сўм) билан мукофотланиши белгиланди.
Токио-2020 Олимпиадасида бу рақамлар қуйидагича эди:
Олтин медаль: 65 000
Кумуш медаль: 25 000
Бронза медаль: 15 000
Эслатиб ўтамиз, Париж-2024 Олимпия ўйинлари 2024 йилнинг 26 июлидан 11 августига қадар ўтказилади.
Ҳавола :
Манба : t.me/NY_blog_uz
Фикрлар