Франк Чамизо ва яна 6 курашчи Россия ва Беларусь курашчилари ўрнига Олимпиада квоталарини қўлга киритди

Ушбу қарор натижасида ҳакамларнинг шов-шувли хатоси туфайли квотадан маҳрум бўлган италиялик эркин курашчи Франк Чамизо (74 кг) ҳам Париж Олимпия ўйинларига бориш ҳуқуқига эга бўлди.

UWW ташкилоти дисквалификация қилинган курашчилар ўрнига квота учун курашда мағлуб бўлганларни юборишга қарор қилди, бунда квоталар дисквалификация қилинган россияликлар ва беларусликлар томонидан қўлга киритилган, лекин уларнинг йўлланмалари фақатгина Европа вакилларига берилади.

Умуман олганда, ушбу принципга кўра, қуйидагилар Олимпия квотасига эга бўлишлари мумкин:

Эркин кураш:

57 кг: Владимир Егоров (Шимолий Македония) - Европа саралашида Арижан Тютрин ўрнига.

74 кг: Франк Чамизо (Италия) - Европа саралашида Магомедҳабиб Кажимагомедов ўрнига.

97 кг: Иля Арчая (Украина) - Европа саралашида Алихон Жабраилов (Ёки Абдулрашид Садуллаев) ўрнига.

125 кг: Роберт Баран (Полша) - Европа саралашида Денис Храменков ўрнига.

Юнон-рум кураши:

60 кг: Разван Арнаут (Руминия) - Жаҳон саралашида Содиқ Лалаев ўрнига.

77 кг: Юрий Ломадзе (Грузия) - Жаҳон саралашида Сергей Кутузов ўрнига.

87 кг: Турпал Бисултанов (Дания) - Европа саралашида Милад Ализраев ўрнига.