28 май 15:34
Янгиликлар

Теннис

French Open. Элина Свитолина Плишковадан устун келди

Дунёнинг 19-ракеткаси Элина Свитолина "Ролан Гаррос" турниридаги иштирокини ғалаба билан бошлаб олди.

Украиналик теннис маликаси 2 дақиқаси кам 2 соат давом этган баҳсда WTA рейтингида 52-поғонада бораётган чехиялик Каролина Плишкова устидан иродали ғалабага эришди - 3/6, 6/4, 6/2. Элина бу билан теннисчиларнинг ўзаро учрашувларидаги ҳисоб мувозанатини ҳам тиклаб қўйди - 5:5.

Иккала теннисчи ҳам баҳс давомида 3 тадан эйс зарбасини амалга оширган. Қўшхатолар Плишковада кўпроқ бўлди - 5 га 2. Свитолина брейклар бўйича устунликка эришди - 7 га 5! Энди Элина Франция Очиқ чемпионатининг иккинчи босқичида франциялик Диана Паррига қарши кортга чиқади. Мезбон теннисчи илк даврада ватандоши Фиона Феррони 3/6, 6/3, 6/3 ҳисобида таслим этди.