Фрэнсис Нганну: "Фьюри икки ҳакамга раҳмат айтиб қўйсин!"

Оқшомнинг марказий жангида супероғир вазнда WBC камари соҳиби, британиялик Тайсон Фьюри камерунлик собиқ UFC чемпиони Фрэнсис Нганнуга қарши рингга кўтарилди. Бокс қоидалари асосида ташкил этилган жанг тўлиқ ўн раунд давом этди. Учинчи раундда Нганну номдор рақибини нокдаун ҳолатига тушириб қўйганига қарамай, якунда мағлубиятга учради. 

Ҳакамлардан икки нафари 45-44, 46-43 ҳисобида ғалабани Фьюрига берди. Учинчи ҳакам 45:44 ҳисобида Фрэнсис ғалаба қозонганини эътироф этди. 

Табиийки, Нганну ҳакамларнинг қароридан норози эканини билдирди. 

"Тайсон икки ҳакамга бу жангда мен ғалаба қозонмаганим учун раҳмат айтиб қўйсин", — дея ўз эътирозини билдирган Фрэнсис Нганну ижтимоий тармоқдаги саҳифасида. 

Таъкидлаш жоиз, ташкилотчилар томонидан жангдан кейинги матбуот анжумани бекор қилишган.