Фрэнсис Нганну Жасур Мирзамуҳаммедов билан бир лигада жанг қилишга яқин

Африкалик даҳшат ONE Championship промоушени билан шартнома имзолаш истагида. Нганну ONE Championship раҳбарларидан томонидан якуний шартнома таклиф этилди. Фрэнсис тез орада Осиёнинг энг кучли лигаси билан шартнома имзолайди. Бу ҳақда "ММА соати" кўрсатувида лига президенти Чатри Ситьодтонг хабар берди. 

"Биз Фрэнсис билан музокараларни давом эттиряпмиз. Менга у ҳам спортчи, ҳам инсон сифатида ёқади. Ишончим комил, у промоушенимизга кўп нарса бера олади. Лекин шуни айтишим керак, унга дивизионда осон бўлмайди. Биргина Анатолий Малихиннинг рекордига қаранг - 12-0! У битта зарба билан рақибини нокаут қила олади. Муддатидан аввал қозонган ғалабалари 80 фоизни ташкил қилади. Малихин Фрэнсис сингари даҳшатнинг ўзгинаси", - деди ONE Championship.  

Маълумот учун, ҳамюртимиз Жасур Мирзамуҳаммедов ONE Championship лигаси билан шартнома имзолаган биринчи ўзбекистонлик ҳисобланади.