Фрэнсис Нганну ММАга қайтишни режалаштирмаяпти

Бу ҳақда камерунлик жангчининг мураббийи Эрик Никсик MMA Junkie нашрига берган интервьюсида маълум қилди.

"Биз мунтазам равишда мулоқотдамиз, кўпроқ дўстлардек. Деонтей Уайлдер билан жанг ҳақида миш-мишлар тарқалганини биламан. Бир-икки кун олдин гаплашгандик, лекин гап асосан ҳаёт ва оила ҳақида эди. Кейинги ҳафтада мен Бред Таварес билан Парижга бораман ва у ерда Фрэнсис билан бир неча кунни ўтказишим, ўтказиб юборганларимнинг ўрнини тўлдиришим, унинг машғулотлари ва келажакдаги режаларини муҳокама қилишим мумкин. Кўриниб турибдики, у ҳақиқатан ҳам Уайлдер билан жанг қилмоқчи, ММАга қайтиш ҳақида эса, тўғрисини айтсам, ҳозирча ҳеч нарса эшитмадим.

Албатта, унинг аралаш яккакурашларга қайтишини истардим. Бу менинг мутахассислигим. ММАда ҳали кўп нарса қилишимиз мумкинлигини ҳис қиляпман. Менга қисман оғир ва аламли, чунки у Вегасда яшаб, UFC’да жанг қилганида, биз олдинга яхшигина силжиганимизни ҳис қилдим ва тўсатдан ҳамма нарса кескин ўзгариб кетди. У эътиборини боксга қаратди, менга эса MMA мураббийи сифатида бизда бўлган ўсиш ва ривожланиш етишмаяпти", - деди америкалик мутахассис.

Маълумот учун, яқинда Фрэнсис Нганну ва PFL лигаси ўртасида келишмоқчилик юзага келганди. Бунга камерунликнинг ташкилотнинг дебют Африка турнирида иштирок этмагани сабаб бўлганди.