21 мар 09:38
Янгиликлар
Бокс/ММА
Фрэнсис Нганнунинг навбатдаги рақиби маълум. Жанг ММА қоидалари асосида бўлади!
PFL эгаларидан бири бўлмиш Донн Дэвис оғир вазн тоифасида UFC cобиқ чемпиони, каменурлик Фрэнсис Нганну борасида муҳим янгиликни эълон қилди.
Унинг сўзларига кўра, Нганну сентябрь ойида Саудия Арабистонининг Ар-Риёд шаҳрида ташкил этиладиган PFL рақамли турнирида октагонга чиқади. ММА қоидалари асосида ўтадиган жангда Нганнуга бразилиялик Ренан Феррейра рақиблик қилади.
Бир қанча манбалар ушбу жангнинг оғир вазн тоифасида PFL камари учун ўтказилишини ёзмоқда, бироқ бу маълумот ҳозирча тасдиқланмади.
Маълумот учун, бу Нганну учун 2022 йилда UFC доирасида франциялик Сирил Ганга қарши кечган жангдан кейинги илк ММА беллашуви бўлади. Феррейра эса фаолияти давомида 18 та жанг ўтказиб, 14 та ғалаба, 2 та мағлубият қайд этган, унинг 2 та жанги ўтказилмаган деб топилган.
Ҳавола :
Манба : TheMMAHour
Фикрлар