13 янв 17:55
Янгиликлар

"Фужайра Опен"да қатнашадиган таэквондочиларимиз рўйхати маълум бўлди

Теглар : Таэквондо

31 январь - 2 февраль кунлари БААнинг Фужайра амирлигида таэквондо бўйича анъанавий "Фужайра Опен" мусобақаси бўлиб ўтиши ҳақида хабар берган эдик.

Ушбу мусобақада Ўзбекистон терма жамоаси 7 нафар спортчи билан иштирок этади. Терма жамоамизнинг қолган аъзолари деярли шу муддатда Туркияда ўтадиган "Туркиш Опен" мусобақасида қатнашишади.

"Фужайра Опен" мусобақасида юртимиз шарафини ҳимоя қиладиган таэквондочилар рўйхати:

-63 кг - Ниёз Пулатов

-68 кг - Сардор Тоиров

-80 кг - Шуҳрат Салаев

+87 кг - Дмитрий Шокин

-53 кг - Чарос Қаюмова

-62 кг - Феруза Содиқова

-67 кг - Нигора Турсунқулова

Маълумот учун, Ўзбекистон терма жамоаси 2014-2019 йиллар давомида "Фужайра Опен" мусобақасида жами 26та олтин, 18та кумуш ва 26та бронза, жами 70та медални қўлга киритган.

Ўзбекистон таэквондо WT ассоциацияси матбуот хизмати

Ҳавола :

Рейтинг: