05 сен 17:41
Янгиликлар

Бокс/ММА

Фурқатбек Ёқубов: "Ҳар бир Лигага ном ва чемпион керак"

Ўзбекистонлик таниқли ММА устаси Фурқатбек Ёқубов навбатдаги жанги олдидан фикр билдирди.

"Тайёргарлик яхши кетяпти. Рақибимиз ҳам яхши. Кўпчилик 2 та жангдан кейин чемпионлик камарига жанг қиляпти, деб ҳайрон қолишяпти. Бу фикрга ҳам қўшиламан, ҳам йўқ. Лига бешинчи турнирини ўтказяпти. Ҳар бир Лигага ном керак, чемпион керак. Баъзи Лигалар биринчи турниридаёқ камар учун жанг ўтказади. 57 кг вазн тоифасида иккита жанг кам ҳисобланмайди. Менда рақиб бор, сана бор. Энг муҳими шу", дея ўз фикрини билдирди Ёқубов Olamsport.com Бош муҳаррири Камолиддин Алимов билан суҳбатда.

Маълумот учун, Фурқатбек 26 сентябрь куни Mangu 5 турнирининг марказий жангида Россия вакили Рамазан Гаирбековга қарши ўта енгил вазн тоифасидаги чемпионлик камари учун баҳс олиб боради.