17 окт 11:43
Янгиликлар

Бокс/ММА

Фурқатбек Ёқубовнинг навбатдаги рақиби ошкор бўлди + ПОСТЕР

Ўта енгил вазн тоифасида фаолият олиб борувчи ўзбекистонлик аралаш яккакураш устаси Фурқатбек Ёқубовнинг навбатдаги жанги тавсилотлари маълум бўлди.

Ҳамюртимиз 25 октябрь куни Грузиянинг Батуми шаҳрида жойлашган Colosseum Casino мажмуасида ташкил этиладиган GFC 18 турнирида октагонга кўтарилади. 30 ёшли Фурқатбек турнирда Филиппин вакили Женил Франсискога қарши баҳс олиб боради.

Бу Ёқубов учун фаолиятидаги 19-жангга айланади. У ҳозирга қадар 14 ғалаба ва 4 та мағлубият қайд этган. Фурқатбек Ёқубов жорий йилги The Ultimate Figther 33 шоусининг иштирокчиси ҳисобланади.

Юртдошимизнинг бўлажак рақиби Женил Франсиско ҳисобида эса 25 та жангда қўлга киритилган 14 та ғалаба ва 11 та мағлубият бор.