Футзал. 19 ёшгача бўлган жамоалар баҳс давом этмоқда

Бу ёш тоифасидаги мусобақа илк маротаба ташкил этилаётган бўлиб, бундан кўзланган асосий мақсад миллий терма жамоага муносиб номзодларни етказиб беришдан иборат.

Мусобақада 7та жамоа икки гуруҳга бўлинган ҳолда баҳсларни давом эттиришяпти. “A” гуруҳидан Бухоро, Тошкент шаҳри ва вилояти ҳамда Сирдарё вилояти жамоалари жой олган. “B” гуруҳида эса Самарқанд, Жиззах ва Қашқадарё вилояти жамоалари майдонга тушишяпти.

Бугун 3-тур учрашувлари ўтказилади. Унда Қашқадарё – Самарқанд, Тошкент вилояти – Бухоро, Тошкент – Сирдарё жуфтликлари ўзаро бир-бирларига қарши майдонда саф тортишади.