19 апр 11:36
Янгиликлар

Бокс/ММА

Гильберт Бёрнс ММАдаги фаолиятини якунлади + ФОТО

Бразилиялик жангчи Гильберт Бёрнс UFC Fight Night 273 турниридаги мағлубиятдан сўнг профессионал фаолиятини расман якунлаганини эълон қилди.

Унинг сўнгги жанги бугун тонгда Виннипегдаги "Kanada Life Center" аренасида бўлиб ўтди. Оқшомнинг асосий жангида Бёрнс учинчи раундда техник нокаут билан мезбонлар вакили Майк Мелоттга ютқазиб қўйди. Бу мағлубият бразилиялик учун фаолиятидаги ўнинчи ва кетма-кет бешинчиси бўлди. Унинг ҳисобида 22 та ғалаба ҳам бор.

Бёрнс 39 ёшда, у 2014 йилдан бери UFC октагонида иштирок этиб, ташкилотда жами 25 та жанг ўтказган. Гильберт ярим ўрта вазн тоифасида UFC чемпиони унвонига даъвогар бўлган, аммо чемпион бўлмаган. У 2021 йил февраль ойида UFC 258 турнирида камар учун жанг қилган ва Камару Усманга техник нокаут билан ютқазган.