Ғолиби 1,1 млн долларни қўлга киритган Шанхай "Мастерс" турнири якунланди

Ҳал қилувчи финал учрашувида дунёнинг биринчи ракеткаси Янник Синнер ATP рейтингида тўртинчи ўринни эгаллаб турган сербиялик Новак Жоковичга қарши кортга чиқди. Тўқсон тўққиз дақиқа давом этган баҳсда италиялик иқтидор эгаси тажрибали рақибини 7/6(4), 6/3 ҳисобида мағлубиятга учратди. 

Бу билан Янник теннисчиларнинг ўзаро учрашувларидаги ҳисоб мувозанатини ҳам тиклаб қўйди - 4:4. Синнер 9, Жокович 4 та эйс зарбасини амалга оширди. Иккала теннисчи ҳам қўшхатога йўл қўймади. Битта эйс устунлиги италияликка бош совринни тақдим этди. 

Янник Синнер кетма-кет иккинчи "Мастерс" турнирида чемпион бўлди. Шанхайдаги муваффақиятли иштирок дунёнинг биринчи ракеткасига 1000 рейтинг очкоси ҳамда 1 миллион 100 минг АҚШ доллари келтирди. Вице-чемпион Жокович эса 650 очко ва 585 минг доллар ишлаб олди.