13 сен 08:35
Янгиликлар

Кураш

Ғолибларга бош соврин “СПАРК” автомашинаси топширилади

Эртага соат 17:00 да Мустақиллигимизнинг 28 йиллигига бағишлаб Самарқанд шаҳридаги “Мўъжиза” амфитеатрида кураш бўйича “Вилоят ҳокими соврини учун” вилоят очиқ турнири бўлиб ўтади.

Мусобақа халқаро кураш ассоциацияси қоидалари асосида ўтказилади. Унда -73, -90 ҳамда +90 килограмм вазн тоифасида 18 ёшдан катталар гиламда беллашади. Уч вазнда ҳам биринчи ўринни эгаллаган ғолиб курашчиларга бош соврин сифатида “Спарк” автомашинаси топширилади.

Бугун соат 16:00 дан 17:00 гача Самарқанд эшкак эшиш каналида халқаро ҳакамлар ва мураббийлар иштирокида курашчиларни таништирув ва қуръа ташлаш ҳамда тарозидан ўтказиш маросими ўтказилади.

Бўлажак беллашувларда номдор хорижлик курашчилар иштирок этиши кутилмоқда.