Gran Prix Zagreb Open. Исломжон Баҳромов жамоамизга иккинчи "олтин"ни тақдим этди

Ҳозиргина -60 кг вазн тоифасидаги терма жамоамиз аъзоси, Осиё чемпиони Исломжон Баҳромов финал беллашувини муваффақиятли якунлади. У туркиялик Ахмет Уярга қарши кечган баҳсда рақибини 9-0 ҳисобида мағлубиятга учратди ва терма жамоамизга иккинчи олтин мелдални тақдим этди. 

Аввалроқ, -55 кг вазнда юртимиз шарафини ҳимоя қилган Жасурбек Ортиқбоев ҳам барча рақибларини енгиб, Загреб Гран-При чемпионига айланганди. Ортиқбоев  олтин медаль учун кечган беллашувда германиялик Фабиан Шмиттдан 9-0 ҳисобида устун келганди.

Шу тариқа, терма жамоамиз Gran Prix Zagreb Open турнирида 2 та олтин, 1 та кумуш, 1 та бронза медалини қўлга киритди. Илҳомжон Баҳромов (-55 кг) кумуш, Феруз Тўхтаев (-60 кг) бронза медалига сазовор бўлди.   

Маълумот учун, энди Равшан Рўзиқулов мураббийлигидаги "классикларимиз" 19-29 январь кунлари оралиғида Хорватиянинг Пореч шаҳрида ташкил этиладиган халқаро ўқув-машғулот йиғинида иштирок этади.