10 фев 16:57
Янгиликлар

Теннис

Григор Димитров Марсель турнири 1/2 финалида

Дунёнинг 13-ракеткаси Григор Димитров Франциянинг Марсель шаҳрида ўтказилаётган ATP турнирининг ярим финал иштирокчисига айланди.

Болгариялик теннисчи 87 дақиқа давом этган баҳсда ATP рейтингида 94-поғонада бораётган франциялик Артур Риндеркнехни 6/3, 7/6(3) ҳисобларида мағлубиятга учратди. Теннисчиларнинг ўзаро иккинчи учрашувида ҳам Григор рақибидан устун келди.

Димитров 9, Риндеркнех 10 та эйс зарбасини амалга оширган. Григор 2 та қўшхатога йўл қўйиб, 1 та брейкка эга бўлди. Энди болгариялик тажрибали теннисчи финал чиптаси учун россиялик Карен Хачановга қарши кортга чиқади.