Григор Димитров Монпельени эрта тарк этди

Дунёнинг 23-ракеткаси, болгариялик Григор Димитров иккинчи давра учрашувида франциялик теннисчи Грегуар Баррерга имкониятни бой бериб қўйди. Рейтингнинг 91-поғонасидан жой олган мезбон теннисчи номдор рақибини 6/7(4), 6/4, 7/5 ҳисобида мағлуб этди. 

Учрашув 2 соату 33 дақиқа давом этган. 28 ёшли Димитров 10, 25 яшар Баррере эса 5та эйс зарбасини амалга оширди. Бу теннисчиларнинг ўзаро илк учрашуви эди. Энди Грегуар Open Sud de France турнирининг чорак финалида сербиялик Филип Крайиновичга қарши кортга чиқади.