15 май 09:08
Янгиликлар

Теннис

Григор Димитров Рим "Мастерс"даги иштирокини якунлади

Дунёнинг 10-ракеткаси бўлиб турган болгариялик теннисчи учун Рим "Мастерс" турнири ниҳоясига етди.

Димитров тўртинчи давра учрашувида рейтингда ўзидан уч поғона юқорида бораётган америкалик Тэйлор Фритцга 2/6, 7/6(11), 1/6 ҳисобида имкониятни бой бериб қўйди. Фритц теннисчиларнинг ўзаро учрашувлари ҳисобида олдинга чиқиб олди - 2:1.

Икки соату 43 дақиқа давом этган баҳсда Фритц 13, Димитров 1 та эйс зарбасини амалга оширган. Қўшхатолар аксинча Григорда кўп бўлди - 11 га 1. Брейклар бўйича мутлақ устунлик Тэйлор томонда - 4 га 0!