Гризманнинг дубли Францияни финалга олиб чиқди

Иккинчи ярим финал доирасидаги Германия ва Франция терма жамоалари ўртасидаги баҳсда мусобақа мезбонлари 2:0 ҳисобида ғалаба қозонишди. Антуан Гризманн Марсель шаҳридаги “Велодром” стадионида ўтган учрашув қаҳрамонига айланди.  

Айнан унинг икки голи амалдаги жаҳон чемпионларини тўхтатиш баробарида Францияни финалга олиб чиқди. Аввалига Гризманн биринчи бўлим якунида белгиланган пенальтини голга айлантирди. 72-дақиқада эса ғалабани мустаҳкамлади.

Энди 10 июль куни Париж шаҳрида финал учрашуви ўтказилади. Бош мукофот учун Франция ва Португалия терма жамоалари майдонда саф тортишади. Роналду сардорлигидаги Португалия ярим финалда Уэльсдан 2:0 ҳисобида устун келган эди.

Евро-2016. Ярим финал.

ГЕРМАНИЯ – ФРАНЦИЯ 0:2

Марсель. “Велодром” стадиони

Гол: Антуан Гризманн 45+1 пенальти, - 0:1. Антуан Гризманн 72, - 0:2.

Германия: Мануэль Нойер, Эмре Жан (Марио Гётце, 67), Жером Боатенг (Шкодран Мустафи, 60), Бенедикт Ховедес, Йонас Хектор, Тони Кроос, Бастиан Швайнштайгер (Лерой Сане, 78), Жошуа Киммих, Месут Озил, Юлиан Дракслер, Томас Мюллер

Франция: Уго Льорис, Бакари Санья, Лоран Косьельни, Самуэль Умтити, Патрис Эвра, Поль Погба, Блез Матюиди, Мусса Сиссоко, Антуан Гризманн (Йоан Кабай, 90+1), Димитри Пайе (Нголо Канте, 71), Оливье Жиру (Андре Пьер Жиняк, 77)

Бош ҳакам: Никола Риццоли (Италия).

Огоҳлантиришлар: Жан (36), Эвра (43), Швайнштайгер (45), Озил (45), Дракслер (50), Канте (75).