Гусков учун ўч олмоқчи бўлган Жонни Уокер мағлубиятига изоҳ берди

Богдан Гусковнинг дўсти бўлган бразилиялик аралаш яккакураш устаси Ар-Риёдда ўтган UFC on ABC 6 турнирининг асосий кардини очиб берган жангда тажрибали Волкан Оздемирга биринчи раунднинг ўзида нокаут билан ютқазганди. 

"Менда ҳаммаси жойида. Лабимда кичик жароҳат бор, холос. Мен яқиндагина уйга қайтдим. Бу оқшом мен учун омадсиз келди. Нима бўлганини билмайман. Жангни қайта кўриб чиқиб, қаерда хато қилганимни таҳлил қилишим керак. Ўзимни жисмоний тарафлама жуда яхши ҳис қилаётгандим. Катта эҳтимол билан психологик томондан мен бу жангга тайёр эмасдим. Вазн ташлаш одатдагидек қийин кечганди. Бир сўз билан айтганда жангда ўзимни топа олмадим. Энди оила аъзоларим билан вақтни ўтказаман", - деди Жонни. 

Эслатиб ўтамиз, ҳамюртимиз Богдан Гусков UFC`даги дебют жангида айнан Волкан Оздемирга имкониятни бой бериб қўйганди. Жангдан олдин Уокер ўша мағлубият учун Оздемирдан реванш олишга ваъда берган эди.