Гвинея терма жамоаси Токиодаги Олимпия ўйинларида иштирок этади

Аввалроқ Гвинея спортчилари коронавирус билан касалланиш хавфи туфайли Японияга бормаслиги ҳақида хабар берилган эди.

Бугун мамлакат спорт вазири Санусси Бантама Соу ҳукумат соғлиқни сақлаш идораларидан кафолат олганини ва спортчиларнинг ўйинларда қатнашишига розилик берганлигини айтди.

Гвинеяни Токио Олимпиадасида бешта спортчи билан қатнашади: Фатумата Яри Камара (эркин кураш), Мамаду Самба Ба (дзюдо), Фатумата Ламарана Туре, Мамаду Таиру Ба (иккаласи ҳам сузиш) ва Аиссата Деэн Конте (100 метрга югуриш).