Ҳамюртларимизнинг сув спорти бўйича ЖЧдаги иштироки қандай кетмоқда?

Мусобақада ўзбекистонлик спортчилар ҳам иштирок этмоқда.

Айни кунларда синхрон сузиш ва сувга сакраш баҳслари ўтказилмоқда.

Сувга сакраш бўйича турнирда юртимиз шарафини ҳимоя қилаётган Игорь Млялин ҳамда Вячеслав Качанов 3 метр баландликдаги трамплиндан синхрон сакраш баҳсида 310.62 очко жамғарган ҳолда 21-ўринни қайд этди.

Кечаги беллашувларда эса синхрон сузувчиларимиз Диана Онкес ва Зиёда Тошхўжаева техник дуэт йўналишининг финал баҳсида қатнашди. Ҳамюртларимизнинг чиқиши 203.4817 баллга лойиқ кўрилди ва спортчиларимиз 12-ўринни банд этди.

Энди ушбу жуфтлик эркин дуэт баҳсларида ўз маҳоратларини намойиш этишади. Унинг якунларига кўра "Париж-2024" олимпия ўйинларининг йўлланмаларини қўлга киритган жамоалар маълум бўлади. 

Бугун мусобақа доирасида Мялин - Качанов жуфтлиги 3 метр трамплиндан сакраш баҳсларининг саралаш босқичида иштирок этади.