Ҳасанбой Дўсматов ва Баҳодир Жалолов энди подполковник (ФОТО)

Миллий гвардия ҳарбий хизматчиси бўлган ҳар икки боксчи, шунингдек, "Аъло хизматлари учун" кўкрак нишони ва қимматбаҳо совғалар билан ҳам тақдирланди.

Миллий гвардия қўмондони генерал-майор Рустам Жўраев Париж-2024 Олимпия ўйинларида иштирок этган Миллий гвардия ҳарбий хизматчилари капитан Баҳодир Жалолов ва капитан Ҳасанбой Дўсматовга муддатидан олдин подполковник ҳарбий унвонларини топширди. Бу ҳақда идора матбуот хизмати хабар берди.

Тантанали тадбир давомида Миллий гвардия қўмондони буйруғи билан Париж-2024 XXXIII ёзги Олимпия ўйинларида муносиб иштирок этган Миллий гвардия ҳарбий хизматчи ва ходимлари, уларнинг мураббийлари ҳамда ғолибларнинг ота-оналари рағбатлантирилди.

Бундан ташқари, Миллий гвардия шахсий таркиби орасида ўзларининг садоқати, жасорати ва мардлиги билан ўрнак бўлиб, устоз-шогирд анъаналарига мувофиқ ҳарбий хизматчилар ва ёшлар орасида спортни тарғиб қилишга қўшган улкан ҳиссаси учун, капитан Баҳодир Жалолов ва капитан Хасанбой Дўсматовга Қуролли Кучлар Олий бош қўмондонининг рухсати билан навбатдан ташқари подполковник ҳарбий унвони муддатидан олдин берилди.