Ҳожимат Эркинов оилавий масалалар сабаб Олимпия терма жамоамиз таркибига кирмадими?

Бугун Тошкентда ўтказилган матбуот анжуманида бу борада маълумот берилди. Ўзбекистон футбол ассоциацияси раисининг биринчи ўринбосари Равшан Эрматов бу саволга жавоб берди:

"У Ўзбекистон учун жуда муҳим футболчи, у ўзбек футболининг келажаги. Шахсий ва оилавий масала ташқарига чиқиб кетгании афсусланарли. 

Саволга келадиган бўлсак, Олимпия ўйинлари учун таркиб аниқланганида ҳали бу мавзу очилмаганди. Кўриб турибсиз, ҳозир жамоада рақобат кучли. Бир позицияга икки футболчини жалб эта олмаймиз ва бу мураббийларимиз учун ҳам бошоғриқ бўлди. Бундай рақобат бир томондан биз учун ёқимли. 

Соғлом рақобат сабабли мураббийларимиз асосий таркибни аниқлаб олишди", - деди Равшан Эрматов.